ရှေးခေတ်မြန်မာ့တပ်မတော်များတွင် သုံးစွဲခဲ့သော စစ်အလံများတွင် အလံ တံခွန် စသည့်အသုံးကို ဦးစွာ တွေ့ရ၏ ။
တံခွန်အသုံးကို အစောဆုံးအဖြစ် ဓဇဂ္ဂသုတ်တွင် တွေ့နိုင်သည် ။
ဓဇ္ဇဂံ္ဂ - တံခွန်ဖျားကို ဟူ၍ သုံးနှုန်း၏ ။
ဟံသာဝတီ ဦးဘရင်ကမူ တံခွန်ဆိုသောစကားရင်းမြစ်ကို တံ = ရေကိုဟောသော သူဟောင်းတို့၏ အလို ၊ ခွန် (ကွန်) = ချိုး -ကျိုး ၊ချ - ကျ ၊ ကွဲ - ခွဲ ဟူသော ကြိယာပုဒ် ဥပမာဖြင့် နှိုင်းယှဉ်သော်
ချ ၊ ချိုး ၊ ခွဲ မှာ ပြုလုပ်သူပါရှိသောကြောင့် ကာရိုက်ကြိယာ
ကျ ၊ ကျိုး ၊ ကွဲမှာ ပြုလုပ်သူမပါရှိသောကြောင့် သုဒ္ဓကြိယာ စသည်လို ကွဲပြားသလို ကွန်မှာ သုဒ္ဓဖြစ်၍ ခွန်မှာ ကာရိုက်ဖြစ်သည် ။
တံခွန်ဆိုသည် ရေတံခွန်ပမာ အဝေးက ကြည့်လျှင်ပင် မြင်နိုင်သကဲ့သို့ ရေပျံဝဲပုံကို အတုယူ၍ ပြုလုပ်ထားသဖြင့် ဆိုဟန်ရှိ၏ဟု သတ်မှတ်သည် ။
အလံသည် မွေးစားစကားလုံးဖြစ်ပြီး မြန်မာတို့၏ တံခွန်နှင့် အတူတူပင် ။
တံခွန်တွင် တံခွန်ပြား တံခွန်လုံးဟူ၍ အမျိုးမျိုး ရှိသလို အလံတွင်လည်း လေးထောင့် ၊ ကြက်လျှာ ၊ လျားကြီး နံငယ် စသည်ဖြင့် ရှိတတ်သည် ။
ရှေးခေတ် မြန်မာ့အလံများတွင် အလံပုံသဏ္ဍာန်မှာ ကြက်လျှာ ၁ ညွန့် /တြိဂံပုံအလံ တံခွန် နှင့် ကြက်လျှာ ၃ ညွန့် အလံဟူ၍ နှစ်မျိုးရှိပါသည်။
မြန်မာ့တပ်မတော် တို့ အလံကို မည်သည့်ကာလက စတင်သုံးစွဲခဲ့သနည်း စုံစမ်းရသော် အခြားသော ခေတ်ပြိုင် တပ်များသုံးစွဲမှုကြောင့် မြန်မာ့တပ်မတော်တွင်လည်း အလံကို အနော်ရထာမင်း လက်ထက်ကတည်းပင် သုံးစွဲကြလိမ့်မည်ဟု ယုံကြည်ရသည် ။
သို့သော်လည်း အလံအသုံးအနှုန်းကို အင်းဝခေတ်ရောက်မှ စတင်တွေ့ရှိရကြောင်း အင်းဝခေတ် မင်းခမ်းမင်းနား မြန်မာမှုများ အကြောင်း ရေးသားထားသည့် အင်ရုံရွာစား သီရိဥဇနာ၏ လောကဗျူဟာ ကျမ်းက သက်သေခံထားသည် ။
ထိုကျမ်းတွင် ရဲတံခွန်အစုသား ၊ ရဲတံခွန်အလံ ၊ သူရဲကြီးအလံ ၊ သူရဲကြီးသား ဝင်းတော်သားတို့ စွဲကိုင်ရသော အလံ စသည်ဖြင့် ခွဲခြားဖော်ပြထားရာ ထိုအချိန်ကပင် အလံကိုင်တပ်ဖွဲ့နှင့် ရာထူး အဆင့်အလိုက် သီးခြားအလံကို အသုံးပြုနေကြောင်း သိရသည် ။
ရှေးအခါက မြန်မာ့တပ်မတော်တွင် အလံကို အသုံးပြုမှု သမိုင်းဇစ်မြစ် ကို ဖော်ထုတ်ပြီးသော် မြန်မာတို့၏ အမျိုးသား အလံဟူသည်ကား မည်သည်နည်း မေးခွန်ထုတ်စရာ ရှိလာပြန်သည် ။
ဘာသာရေးအလေ့အထကို ဦးစားပေးလေ့ရှိသော ရှေးမြန်မာကြီးများသည် ကိုးကွယ်ရာ မြတ်စွာဘုရားကို ရှိခိုးပူဇော်ရာ၌ “ အာဒိစ္စ ဗန္ဓု ” နေမင်း၏ အဆွေဖြစ်သော မြတ်စွာဘုရားဟု သုံးစွဲလေ့ရှိသည် ။ ထို့ပြင် မြန်မာတို့သည် မိမိတို့ကိုယ်ကို မြတ်စွာဘုရား၏ မျိုးရိုး သကျသာကီဟု ယူဆထားသဖြင့် မြတ်စွာဘုရား၏ အဆွေဖြစ်သော နေမင်းကို အလေးအမြတ်ထားကြသည် ။ ထို့ကြောင့် နေဗိမ္မာန် တွင် ဥဒေါင်းရုပ် အထင်အရှားရှိသည်ဖြစ်၍ နေမင်း၏ အမှတ်သင်္ကေတ ဥဒေါင်းရုပ် ကခုန်မြူးတူးနေဟန်ကို အမျိုးသားအလံတော်တွင် ထည့်သွင်းကြသည် ။
ကခုန်နေသည့် ဥဒေါင်းရုပ်ပါ အလံတော်ကို မြန်မာ့အမျိုးသာ အလံအဖြစ် အနော်ရထာ လက်ထက်ကပင် အသုံးပြုခဲ့သည်လော တွေးနိုင်စရာ ရှိသည် ။ ဘကြီးတော်လက်ထက် ရှင်မဖြူကျွန်းပေါ်တွင် ဓညဝတီမြို့ဝန်က ဒေါင်းအလံ သွားရောက် စိုက်ထားခဲ့သည်မှာ မြန်မာ့အထိမ်းအမှတ် ကိုယ်စားပြု ဖြစ်ကြောင်း သက်သေထူခဲ့ခြင်းပင် ။
နိုင်ငံတော်အလံမှာ ကြက်သျှာ ၁ညွှန့် အဖြူရောင်တွင် အလယ်က ဥဒေါင်းရုပ်ပုံ ရေးဆွဲထားသည် ။
ဝင်းမှတ် အလံမှာ ကြက်သျှာ ၁ ညွှန့် ပေါ်တွင် အရောင်ဖြင့် ခွဲ့ခြားခြင်းဖြစ်၍ အရှေ့ဝင်း၌ အလံဖြူ၊ လက်ယာဝင်းမှာ အစိမ်းရောင်အလံ၊ အနောက်ဝင်းမှာ အပြာရောင်အလံ၊ လက်ဝဲ၀င်းမှာ အ၀ါရောင်အလံ။ ( မြင်းမိုရ်တောင်၏ အရပ်လေးမျက်နှာမှ အရောင် ၄ မျိုးထွက်သည့် တင်စားပြီး ပြုလုပ်ထားခြင်းဖြစ်သည်။
မုံရွေးဇေတဝန်ဆရာတော် စပ်ဆိုခဲ့သော ပျို့၌ မင်းခမ်းမင်းနားတွင် အသုံးပြုသော အလံများကို ကြက်သျှာ ၁ညွန့်တံခွန်ပေါ်တွင်
၁- ဟနုမာန် မျောက်ရုပ်ကို ရွှေရောင်ဖြင့် လည်းကောင်း
၂ - ဂဠုန်ရုပ်ကို အဖြူရောင်ဖြင့် လည်းကောင်း
၃ - ဘီလူးရုပ်ကို အဝါရောင်ဖြင့် လည်းကောင်း
၎ - ဥဒေါင်းရုပ်ကို အညိုရောင်ဖြင့် လည်းကောင်း
၅- ခြသေ့င်္ရုပ်ကို အစိမ်းရောင်ဖြင့် လည်းကောင်း
၆ - ဆင်ရုပ်ကို အနီရောင်ဖြင့် လည်းကောင်း
၇ - နဂါးရုပ်ကို ဖျော့တော့သော အရောင်ဖြင့် လည်းကောင်း အသီးသီး ရေးခြယ်လျက် ဘုရင်မင်းမြတ်တို့ တက်ရောက်သော ညီလာခံတွင် ပလ္လင်ရှေ့၌ အလံခုနှစ်ပါး အဖြစ် စိုက်ထူထားရှိသည်ဟု သိရသည် ။
သူရဲကြီးတို့၏ အလံ မှာအဖြူရောင် ကြက်လျှာ ၃ညွှန့် အလံပေါ်တွင် မင်းခမ်းတော်အလံ ၌သုံးသော အရုပ် ၇ မျိုးကို ရေးဆွဲပြီး သီးခြားချီးမြှင့်ကာ အသုံးပြုစေသည် ။
ကိုးကား . နတ်မောက်ဘုန်းကျော် ရှေးခေတ်မြန်မာ့တပ်မတော် မှတ်စုများ
ပုံများကို ထိုစာအုပ်ထဲမှ ကူးယူ၍ အချို့ကို အခြားသူများထံမှ ကူးယူပါသည် ။
