သုဝဏ္ဏဘူမိ ။ (ဃ)။ သုဝဏ္ဏဘူမိ တိုက်ပွဲ၏ အလားလာကောင်းသော တင်ပြမှုများ။

တည်နေရာ ရှာရာဝယ် ။

ဗုဒ္ဓစာပေကျမ်းဂန်များဖြစ်ကြသော ဇာတကအဋ္ဌကထာ၊ အဂုတ္တရကထာ၊ ပါရာဇိက အဋ္ဌကထာ၊ မိလိန္ဒပဥှာ တို့က သုဝဏ္ဏဘူမိအမည်ကို ဖော်ထုတ်လျက် တည်နေရာအနေအ ထားကို ညွှန်ပြခဲ့ပြီးဖြစ်ပါသည် ။ ယင်းတို့ကို အစဉ်အလာ မှတ်တမ်း များအဖြစ်သာသတ်မှတ်၍ သိပ္ပံနည်းကျ ဆန်းစစ် ခဲ့ခြင်း မရှိသေးပေ။ ယင်းတ်ုိ့ကို အထောက်အကူပြုသော ဒေသတွင်းသား တို့၏ ရာဇဝန်ကျမ်းများ ၊ ကျောက်စာမော်ကွန်း များကိုလည်း ခေတ်ပြိုင် အထောက်အထား မျမဟုတ်သဖြင့် ဒဏ္ဍာရီများသာ ဖြစ်သည်ဟုသတ်မှတ်ပါသည် ။ သမိုင်းဆရာ များအတွက် ဒဏ္ဍာရီဆန်ဆန်ပုံပြင်များ ဟု တိုင်းရင်းရာဇဝင်များ ကို ငြင်းပယ်ကြမည် ဖြစ်သော်လည်း စာပေအက္ခရာ မပေါ်ထွန်းမီ ကလူ့သမိုင်းကို လေ့လာမည့် ရှေးဟောင်းသုတေသန ပညာရှင် များအတွက်မူ ၎င်းရာဇဝင်ထွက် အထောက်အထား သဲလွန်စ ကို ရှာနိုင်လိမ့်မည်ဖြစ်သည် ။ တိုင်းရင်း အထောက်အထားများ မှ သုဝဏ္ဏဘူမိ အကြောင်းကိုဖော်ပြရန် နေရာဒေသနှင့် အချိန် ( ရက်စွဲ ) ကိုသိသာစေရန် ကာလအပိုင်းအခြား ( Date ) နှင့် အဖြစ်အပျက် ( Event ) ကိုဖော်ညွှန်း တင်ပြရပါမည် ။ အနောက်တိုင်း သမိုင်းတင် ရက်စွဲကို ခရစ်နှစ် နှင့်ဖော်ပြလျက် ရှိသကဲ့သို့ အရှေ့တိုင်း အိန္ဒိယ ၊ မြန်မာ၊ ထိုင်း နိုင်ငံတို့၏ သမိုင်း အတွက် ဗုဒ္ဓပရိနိဗ္ဗာန်စံလွန်သည့်နှစ် သာသနာ သက္ကရာဇ် ကိုသုံး လေ့ရှိသည် ။ ယခု သုဝဏ္ဏဘူမိ သမိုင်းကိုလည်း ဖြစ်ရပ်ကြီး ငါး ရပ်နှင့်တိုက်ဆိုင်စစ်ဆေးသင့်ပါသည် ။