လူတို့သုံးနှုံးနေသော လ သို့မဟုတ် ပြက္ခဒိန်၌ ဖော်ပြထားသော လ ကို ဝေါဟာရမာသ ဟု ခေါ်၏ ။ ဝေါဟာရမာသ များမှာ တန်ခူးလ အစ တပေါင်းလ အဆုံးဖြစ်ပါသည် ။ ဝေါဟာရ နှစ်တစ်နှစ်သည် တန်ခူး လဆန်း ၁ ရက်နေ့တွင် စတင်ပြီး တပေါင်းလကွယ်နေ့တွင် ဆုံးသည် ။ သို့သော်လည်း ဤလများမှာ လက်တွေ့ပြက္ခဒိန်ထဲ၌ ဖော်ပြထား သည့်လနှင့် အနည်းငယ် ကွာသည် ။ အဘယ်ကဲ့သို့ကွာသနည်းဟူမူ ပြက္ခဒိန်ထဲမှ မြန်မာနှစ်တစ်နှစ်၏ အစသည် တန်ခူးလဆန်းတစ်ရက်နေ့မဟုတ် ။ သက္ကရာဇ်နှစ်တစ်နှစ်သည် နှစ်ဆန်းတစ်ရက်နေ့ (သင်္ကြန်အတက်နေ့၏ နောက်တစ်ရက်) တွင် စသည် ။ နောက်လာမည့် သင်္ကြန်အတက်နေ့သည် ထိုနှစ်၏ နောက်ဆုံးရက်ဖြစ်၏ ။
