ဆရာဘုန်းတင့်ကျော်၏ပျူစစ်လျှင်မြန်မာ စာအုပ်ကို ပြန်လည် ဝေမျှရရင်ဖြင့် အောက်ပါအတိုင်း အကျဉ်းမျှ စာမြည်းသဘော တင်ပြပေးပါမည်။
ဤစာအုပ်တွင် စာရေးသူ အနှစ်သက်မိဆုံး ဆရာဘုန်းတင့်ကျော်၏ အာဘော်။ သမိုင်းပညာရှင်သည် ရာဇဝင်အမှန်အမှား ၊ ကျမ်းကိုး အထောက်အထား အမှန်အမှားနှင့်တကွ သမိုင်းမှန်ပေါ်အောင် စစ်ဆေးမှတ်ကျောက်တင်ပါသည်။ပညာရှင်ဖြစ်ရန်လည်း လွယ်လွယ်နှင့်မဖြစ်ပါ။ပညာရှင်များလေးစားလက်ခံသော စံချိန်မီ သမိုင်းသုတေသန စာတမ်းတစ်စောင် ဖြစ်ရန်လည်းလွယ်လွယ်နှင့်မဖြစ်ပါ။ပညာရှင်အများ ရှေ့မှောက်၌ သမိုင်းသုတေသန စာတမ်းဖတ်ပွဲ ၊ ဆွေးနွေးပွဲ ဟူသည်မှာ အရပ်ထဲက စကားဝိုင်း ၊ အစဉ်အလာ၊ ရာဇဝင် စကားဝိုင်းတို့နှင့်မတူ ခြားနားလှပါသည်။သမိုင်းပညာ၏ ရပ်တည်ပုံ ၊အလုပ်လုပ်ပုံ၊ သမိုင်းပညာနှင့် သုတေသနဆိုင်ရာ စည်းမျဉ်း၊ စည်းကမ်းစံနှုန်းများ ၊ပညာရပ်ဆိုင်ရာ အခြေခံဗဟုသုတ၊စာဖတ်အား၊စဉ်းစားတွေခေါ်အား၊ သုတေသန များအား အဓိပ္ပါယ်ဖော်ခြင်းအသေးစိတ်သရုပ်ခွဲ လေ့လာခြင်း နှင့် အထောက်အထား မှန်များလိုအပ်ပါသည်။ ရာဇဝင် ကျမ်းဂန်ဗဟုသုတများလည်းလိုအပ်ပါသည်။ သို့သော် ထိုတစ်ခုတည်းနှင့်လည်း မလုံလောက်ပါ စံတင်ဘောင်ဝင်အောင် မှန်ကန်သော ကျမ်းကိုး ၊ မှန်ကန်သော အထောက်အထား များနှင့် တင်ပြနိုင်စွမ်းရှိဖို့လိုအပ်ပါသည်။သို့မဟုတ်ပါက ခေတ်ပေါ်သမိုင်း ပညာနှင့် သမိုင်းသုတေသနပညာ စည်းမျဉ်း စည်းကမ်း စံနှုန်းတို့အကြောင်း မိမိ နားမလည်မှု၊ သုတေသန ခေါင်းပါးမှု ၊ရှေးရာဇဝင် ၊မော်ကွန်း၊သိုက်စာမှန်သမျှ ကျမ်းကိုး၍ရသည်ဟု အထင်အမြင်မှားမှု စသည်တို့ လူအများရှေ့တွင် ဘွားဘွားပေါ် ကုန်ပေလိမ့်မည်။ ဤသည်မှာ သမိုင်းသုတေသန စာတမ်းတစ်စောင်ကို ဆွေးနွေးမည် ဖြစ်၍ သမိုင်းကျောင်းသား၊သမိုင်းဆရာ၊ သမိုင်းပညာရှင်မဟုတ်သော သမိုင်းဝါသနာရှင်များနှင့် ပြင်ပသမိုင်းသုတေသီလောင်းလျာတို့အတွက် ရည်ရွယ်၍ ရာဇဝင်များနှင့် မတူကွဲပြားသော သမိုင်းပညာနှင့် သမိုင်းသုတေသန အကြောင်း အခြေခံမျှဝေ တင်ပြခြင်း ဖြစ်ပါသည်။ ( စာရေးသူတို့လို ဝါသနာရှင်များအတွက် အလွန်စိတ်ဝင်စားဖွယ် ကောင်း၍ မှတ်သားဖွယ် ကောင်းသဖြင့် ကူးယူ ပေးထားပါသည်။) ထို့နောက် စာအုပ်ပါ အချက်အလက်များနှင့် ခေါင်းစဉ်ခွဲ လေးများ ကို အကြမ်းဖျဉ်း လေ့လာနိုင်ရန် အတွက် (၁) ပထမအကြိမ်ထုတ်ဝေခြင်း-၂၀၀၇ ခုနှစ်၊ဒီဇင်ဘာလ။ (၂) ၂၀၀၅ ခုနှစ်ထုတ် သြဂုတ်လမှ ၂၀၀၆ ခုနှစ် ဖော်ဖော်ဝါရီလအထိ ၊ ရုပ်ရှင်တေးကဗျာ မဂ္ဂဇင်းတွင် ခုနှစ်လတိုင်တိုင် အခန်းဆက် ရေးသားပုံနှိပ်ဖော်ပြခဲ့သော ကလောင်ရှင် ဘုန်းတင့်ကျော် ( အမည်ရင်း ဦးကျော်ဇင် )ပျူစစ်လျှင်မြန်မာ အခန်းဆက်ဆောင်းပါးများကိုဤစာအုပ်တွင် တစုတဝေးတည်း ပေါင်းစုပုံနှိပ် ဖော်ပြပါသည်။ (၃) နိဒါန်းအမှာတွင် သုတေသနသမိုင်းဆိုတာ ကိုအကျယ်တဝင့်ရှင်းပြထားပြီး Mr.Luce၏ ဟာကွက်တွေကို ထောက်ပြထားပါတယ် ။ (၄) သရေခတ္တရာတွေ့ ပုဗရမိ (ပျူဗရမ္မာ၊ပျူမြန်မာ) အထောက်အထား ငွေဗောဓိပင် ကျောက်စာ။ (၅) ပျူစစ်လျှင်မြန်မာ (၆) ယာယီအမည်ပျူစာ ဟုအမည်တပ်ခံရသော သီဟဝိကြမ မင်း ကျောက်အရိုးအိုး ရှေးဗမာကျောက်စာကို ခေတ်မြန်မာစာဖြင့်ပြန်ဆိုခြင်း ။ (၇) ယာယီအမည်ပျူစာ ဟုအမည်တပ်ခံရသော သူရိယဝိကြမ မင်း ကျောက်အရိုးအိုး ရှေးဗမာကျောက်စာကို ခေတ်မြန်မာစာဖြင့်ပြန်ဆိုခြင်း ။ (၈) ယာယီအမည်ပျူစာ ဟုအမည်တပ်ခံရသော သူရိယ ဝိကြမ မင်း ၏မိဖုရား ကျောက်အရိုးအိုး ရှေးဗမာကျောက်စာကို ခေတ်မြန်မာစာဖြင့်ပြန်ဆိုခြင်း ။ (၉) ယာယီအမည်ပျူစာ ဟုအမည်တပ်ခံရသော ဟရိဝိကြမ မင်း ကျောက်အရိုးအိုး ရှေးဗမာကျောက်စာကို ခေတ်မြန်မာစာဖြင့်ပြန်ဆိုခြင်း ။ (၁၀) ယာယီအမည်ပျူစာ ဟုအမည်တပ်ခံရသော ပုဂံ မြစေတီတွေ့ရှေးဟောင်း ဗမာကျောက်စာမျက်နှာကို ခေတ်မြန်မာစာဖြင့်ပြန်ဆိုခြင်း ။ (၁၁) ယာယီအမည်ပျူစာ ဟုအမည်တပ်ခံရသော ပုဂံ မြစေတီတွေ့ရှေးဟောင်း ဗမာကျောက်စာမျက်နှာမှ ဗလက်ဒင်သေချာသည်ဟူသော (၆၆) လုံးစာရင်း အသံတူ မြန်မာဝေါဟာများနှင့် အသံကွဲ မြန်မာ ဝေါဟာရများ (၅၀) လုံး။ (၁၂) မြစေတီ ကျောက်စာတ်ိုင်ပါ အနော်ရထာမတိုင်မီ ရှေးဗမာ အက္ခရာများနှင့် ဗမာစကားပြေ။ စသည်ဖြင့် လေ့လာစရာအထွေထွေကို စိတ်ဝင်စားဖွယ် အားတက်ဖွယ် ဖြစ်အောင်ပြေပြစ်လှသော အရေးအသားဖြင့် အကျယ်တဝင့် ဖော်ပြသွားသည်ကိုတွေ့ရမည်။မြန်မာနိုင်ငံသားတိုင်းဖတ်သင့်သည် ဟုလည်း အသိပေးချင်ပါသည်။ ဤ၂၀၀၇ ခုနှစ်ထုတ်စာအုပ်ဖြစ်သောပျူစစ်လျှင်မြန်မာ စာအုပ်ထဲမှ ၂၀၁၀ တွင်ထုတ်ဝေသော လွန်ခဲ့သောနှစ်၂၂၀၀ ကျော်အထောက်အထားရှိခဲ့သည့် မြန်မာတို့၏ သမိုင်းအမှန် ဆိုသည့်စာအုပ်ထဲတွင် ပြန်လည်ပါဝင်လာသော အကြောင်းအရာအချို့မှာ မှာတရုတ်မှတ်တမ်းတစ်ခုထဲမှ မှားယွင်းစွာကိုးကားထားခြင်း နှင့် ခေတ်ပြိုင်မှတ်တမ်းများ ကိုးကားရန်လိုအပ်နေခြင်း ကို အထောက်အထားနှင့်တကွငြင်းဆိုခြင်း နောက်တစ်ခု မှာ ကျောက်စာ တွင်မဖတ်တတ်၊ အဓိပ္ပါယ်မဖော်တတ်သော စာ လုံးမှန်သမျှ ပျူစာဖြစ်သည်ဟု အမည်တပ်သွားခြင်း ကိုမဟုတ်မှန်ကြောင်း သက်သေပြခြင်း တို့ သာတူညီသည်တွေ့ရပါသည်။ထို့နောက် မာတိကာထဲ တွင်ပါသည့် အကြောင်းအရာ ကိုလေ့လာ လိုက်ရုံနှင့် ပျူစစ်လျှင် မြန်မာ စာအုပ်သည် နိဒါန်းအမှာစာ အနည်းငယ်မှအပါး တစ်အုပ်လုံး တွင်ပုဂံ မြစေတီရှိရှေးဟောင်း ကျောက်စာများကို အဓိပ္ပါယ် ဖော်သွားခြင်းသာဖြစ်ကြောင်း တွေ့နိုင်ပါသည်။နောက်တစ်အုပ် ဖြစ်သည့် လွန်ခဲ့သောနှစ်၂၂၀၀ ကျော်အထောက်အထားရှိခဲ့သည့် မြန်မာတို့၏သမိုင်းအမှန်တွင် မှာကား Mr .Luce အလွဲကြီး လွဲခဲ့သော စိတ်ကူးယဉ်ယူဆချက်များ ကို ဆရာဘုန်းတင့်ကျော်၏ အထောက်အထား ရှုထောင့်ဖြင့် ဝေဖန်ပုံများကိုသာ တစ်အုပ်လုံး နီးပါး ထည့်ရေးထားတာကို တွေ့ရှိမိသည်။ ဆရာ ဘုန်းတင့်ကျော်သည် အထောက်အထားကိုသာ အဓိက လက်ကိုင်ထားသည်။ ပျူ ဆိုတာ မြန်မာဖြစ်သည်ကို သက်သေပြနိုင်လျှင် ကျန်တာတွေ မလိုအပ်တော့သည်လည်း ဖြစ်၍ဖြစ်နိုင်ချေ ဖြစ်ရပ်နှင့် သုံးသပ်ခြင်း ကိုအားလည်းမပေး စိတ်လည်းမဝင်စားပါ ။ မှီငြမ်း ကိုးကားခြင်းလည်းမရှိပါ။အယူအဆ ပြတ်သားရဲရင့်တိကျလှပေသည်။ Mr.Luce သည် ဖြစ်နိုင်ချေ Possibilities ထဲက တစ်ခုကို ယူပြီး ပြသွားသည်။ ထို့ကြောင့် exclusive / explicit မဟုတ်သောကြောင့် generalisation မှာဘဲ အဆုံးသတ် သွားခြင်းဖြစ်သည်။ တိကျသော ရလာဒ်ကို မရောက်ခဲ့ပေ။ ဤသည်ကို နောက်တွင်ထပ်တွေ့ရှိလာမည့် အထောက်အထားနဲ့ ပြန်ပြီး ဖြည့်စွက်တာတို့ အမှန်ကိုပြင်တာတို့ လုပ်ရမှာဟာ နောက်ပိုင်းခေတ်ရဲ့ သုတေသနသမားတွေရဲ့တာဝန်သာဖြစ်သည့် သဘောမျိုးလည်း ပါကောင်းပါလိမ့်မည်ဖြစ်ပါသည်။ထို့ဖြင့် ဆရာကြီး ဦးဖိုးလတ်နှင့် ဒေါက်တာထင်အောင်တို့ Mr.Luce ကိုချေပသလို မူရင်းလာရပ် ၊လာရာလမ်းကြောင်း၊အခြေချနေထိုင်သည့် နေရာ ၊အခေါ်အဝေါ် ၊မူလကနေထိုင် လျက်ရှိသော လူမျိုးတွေနှင့် ဆက်ဆံရေး ( ဦးစွာနေထိုင်သူ ဟုတ်မဟုတ်) ကို ရာဇဝင်အကိုးအကား ၊ထိုချိန်ကလေ့လာနိုင်သလောက် အကိုးအကား ကျောက်စာအထောက်အထား အနည်းငယ် နှင့် ဖြစ်နိုင်ချေ/ဖြစ်ရပ်ကို သုံးသပ် ဆက်စပ် ပြီးဖြေရှင်းထားတာတွေ့ရပါသည်။ ၁၉၇၀ ခုနှစ်ဝန်းကျင် မှာတွေ့ရှိရသော ရနိုင်သလောက် အထောက်အထား များ၏ အားနည်းမှုကြောင့် အဆိုပါ ဆရာကြီးများမှာ ဖြစ်နိုင်ချေ/ဖြစ်ရပ်နှင့် ဆက်စပ်ပြီး ပြန်လည် ငြင်းဆို ထားတာတွေ့ရပါတယ် ။ ဆရာဦး ဘုန်းတင့်ကျော် မှာကား ခိုင်မာသော ကျောက်စာများကို ရှေးဗမာစာအဖြစ် အက္ခရာပြောင်းလဲပုံ ၊ဝါကျအထားအသို ၊ သဒ္ဒါအသုံးအနှုန်း တို့အားဆက်စပ် ခြင်း ၊အဓိပ္ပါယ်ဖော်ခြင်း ကဲ့သို့အထောက်အထားများ နှင့်ပယ်ဖျက်ခဲ့တယ်ဆိုတာတွေ့ ရပါသည်။ထို့ကြောင့် စာရေးသူ ဖော်ပြ ခဲ့သော G . H . Luse ၏ တိဘက်- မြန်မာ ( ချိယန် ၊ မန် ) တို့ ဆင်းလာသည့်လမ်းကြောင်း အပေါ် မြန်မာ့သမိုင်း သုတေသီတို့၏ သုံးသပ်မှုများဟူသောဆောင်းပါး တွင် Mr.Luce ၏ဖြစ်နိုင်ချေများကိုစိတ်ကူးနှင့်မှန်းဆ၍ ကွင်းဆက်သီထားတဲ့ ဖြစ်နိုင်ချေ/ဖြစ်ရပ် ကို ဆရာကြီးနှစ်ယောက်မှ စာအုပ်စာတမ်း အကိုးအကားများနှင့် ဖြစ်နိုင်ချေ/ဖြစ်ရပ်နှင့် ပင်ပြန်လည် သက်သေပြပုံဖြင့် ချေပထားသည် များမှာဒေါက်တာ ထင်အောင်နှင့် ဦးဖိုးလတ် ဦးအောင်သန်းတို့၏ စာအုပ်များထဲမှသာ မလွဲမသွေကိုးကားရမည်မှာ အမှန်ဖြစ်ပေသည်။ ထို့ကြောင့် ဆရာ ဘုန်းတင့်ကျော်၏ ပျူစစ်လျှင်မြန်မာ ဆိုသော စာအုပ်နှင့် စာရေးသူ၏ G . H . Luse ၏ တိဘက်- မြန်မာ ( ချိယန် ၊ မန် ) တို့ ဆင်းလာသည့်လမ်းကြောင်း အပေါ် မြန်မာ့သမိုင်း သုတေသီတို့၏ သုံးသပ်မှုများ ဆိုတဲ့ဆောင်းပါး ဟာ မည်သို့မှ နီးစပ်မှုမရှိသည်ကိုပျူစစ်လျှင်မြန်မာ စာအုပ်ဖတ်ဖူးသူတိုင်း သုတေသနသမိုင်း လေ့လာနေသူတိုင်း နားလည်သဘောပေါက် လက်ခံ ကြမည်ဖြစ်သည်။စာရေးသူမှာလည်း ဝါသနာရှင်အဆင့် ဖြင့်ပင် မိမိဖတ်မှတ်လေ့လာ မိသမျှကို ပြန်လည်ဝေမျှခြင်းဖြစ်ကြောင်း ကနဦးအစက ပင်ထည့်သွင်းအသိပေးထားပြီးဖြစ်ပါသည်။သို့သော် မသိလိုက်သူများ သိရှိနိုင်စေရန် ပြန်လည်အသိပေးအပ်ပါသည်။ (ဥမ္မာဒန္တီ ပျို့ ထဲမှ ငါ့ဟာ၊ ငါ့အိမ်၊ငါ့စည်းစိမ် နှင့် ငါ့အိမ်၊ ငါ့ကျောင်း၊ ငါ့ခေါင်း၊ ငါ့ပြွန်၊ ငါ့ကန်၊ ငါ့ကြာ၊ ငါ့ယာ၊ ငါ့လယ်၊ ငါ့နှယ်၊ ငါ့ကုန်း၊ ငါ့အုန်း၊ ငါ့ထန်း၊ ငါ့ကျွန်း ငါ့ကိုင်း ဆိုသလို ငါဝယ် ငါဖတ်၊ ငါ့မှတ် ငါသိမ်း၊ ငါထိန်း ငါရွတ်၊ ငါတတ် ငါ့ကိုး၊ ငါ့ကြိုး ငါကျက်၊ ဟူသော သက္ကာယ ဒိဌိ ဆန်ဆန် သိသမျှ တတ်သမျှ အားမိမိတစ်ယောက်ထဲ သာသိနေပြီး အများအတွက် အချည်းအနှီး မဖြစ်ရအောင် စေတနာဖြင့် တင်ပြပေးခြင်းဖြစ်ပါသည်) သျှင် လေညင်း (၂၆၊၂၊၂၀၁၃)
