ရဇဂုမ ဘယ်သူလဲတွေးကြပြောကြသည်။ စကုမှာနေသွားသော ဇေယျခေတ္တရာရခိုင်တောင်စဉ်ခုနစ်ခရိုင်အပိုင်စားမင်းသားပဲလား။ မြစေတီကျောက်စာအရကြည့်တော့ မြန်မာ ပါဠိ မွန် ပျူ ဘယ်ဘာသာစကားမှာမှ ကျန်စစ်မင်းကို သူ့ ဖခင်ဖြစ်ကြောင်းညွှန်းဆိုမှုမျိုးမတွေ့ရ။ သခင်ဆိုသောအခေါ်အရ ဂြီတြိဘုဝနာဒိတျ၏ သားဖြစ်ဖို့နည်းနေသည်။ သူဘယ်သူလဲဟု အတွေးနယ်ချဲ့ကြသည်။ ဘုရင်ပေးထားသမျှ အကုန် (ဘုရင်ကို အရွဲ့တိုက်ပြီးများလား? သူ့ပိုင်ဆိုင်မှုတွေက သူ့ကို အန္တရာယ်ပြုမည်စိုးလို့လား?) လှူပစ်ပြီး သူသည် သမိုင်းက ပျောက်ကွယ်သွားသည်။
ကျနော်ကတော့ ရဇဂုမ သည် အပယ်ရတနာ၏သားတော် ဖြစ်မည်ဟု ထင်ပါသည်။ တြိလောကဝဋံသကာဒေဝီ ဟူသောဘွဲ့ကို အပယ်ရတနာမိဖုရား ရမရ မသိကြပါ။ အပယ် ဆိုသောစကားသည် ပါဠိဘာသာပီယနှင့် ဆင်သလိုထင်ရသည်။ ပျူစကား ဗံး (ယ်) ကလာကြောင်း ပျူစာများအရသိရပါသည်။ ပျူများသည် ပါဠိအမည်ကို ကြိုက်ပါသည်။ ''ဗံး(ယ်) ဒဝိံတိံမြိံ(အပယ်ဒေဝီတိုင်းမြေ) ၏ သား နာဂကောန (နာဂသေနကိုပင် အဖတ်မှားနိုင်ပါသေးသည်။) ၏ မြေး ဗံးရုဗ(ဟိ) (မြတ်ရုဗ(ဟိ)) ၏ အလောင်းမြှုပ်နှံရာ''ဟူသော ဟန်လင်းသင်္ချိုင်းပျူစာတွင် ပါဠိအမည်များတွေ့ရပါသည်။ အပယ်ရတနာဒေဝီသည် ပျူလို ဗံး(ယ်)ရဒနဒဝိံ ဟုအလွယ်ဖြစ်နိုင်သောအမည်ဖြစ်ပါသည်။ (ရာဇဝင်များပါ သမ္ဘူလဟူသော အမည်သည်လည်း သံဗူလ ဟူ၍ ပျူမင်းသမီးဖြစ်နိုင်သည်သာ။)
ရဇဂုမ ဟူသောအမည်သည်လည်း မူလအမည်ဖြစ်ပါမည်။ ရာဇကုမာရဟု ဘုရင်ကဘွဲ့ပေးပြီး အိမ်ရှေ့မင်းသားမဖြစ်သောသူမှာ မြန်မာ့သမိုင်းတွင်မဖြစ်နိုင်ပါ။ ဒီလိုဘွဲ့လည်း ပေးခြင်းမတွေ့ဖူးပါ။ ပျူများသည် မြို့ပြနိုင်ငံများကို ပိုင်ဆိုင်ကြသည်။ မင်းများသည်။ ဘုရားထောင်အရိုးအိုးပတ်လည်စာနှင့် ဘုရားကြီးဘေးကိုက်နှစ်ရာတွေ့ အရိုးအိုးစာများပါ သေဆုံးခြင်းမကွာသော မင်းအမည်အရေအတွက် အနေအထားများအရ ကျနော်တော့ ပျူအုပ်ချုပ်ရေးကို လိစ္ဆဝီမင်းသားတို့၏ ဂဏနိုင်ငံလိုထင်ပါသည်။ ထို့ကြောင့် ရာဇများ များပါသည်။ ရဇဂုမ သည် ထိုအထဲက ရာဇတယောက်၏ သားသာဖြစ်ပါမည်။
ရဇဂုမ ပိုင်ဆိုင်သော ရွာအမည်များကိုကြည့်ပါ။ သမုနဠော်ံ ရဗဲ ဟိံဗူး (တိဗူးဟုဖတ်ထားကြပါသည်)များဖြစ်ပါသည်။ ဗမာလိုခေါ်သော် သက်မုနလွန် ရဗယ် ဟန်ဗို ဟုခေါ်သော်လည်း ဗမာအမည်ထက် ပျူအမည်သာပေါက်ပါသည်။ ပျူရွာများကို ပိုင်ထားသော ပျူမင်းသားဟု အနက်ထွက်နေပါသည်။ ရွာအမည်ပါ ''ဗူး'' သည် ပူရ ဟုဆိုပါသည်။ ရှေးက နေရာအနှံ့ ပျူမြို့ပြများရှိခဲ့ကြောင်း မငြင်းသာပါ။ ပုဂံခေတ်တွင် ''ဗူး'' များသည် ''ရော'' (ရွာ)ဖြစ်ကုန်ပေပြီ။
သူဘာလို့ သမိုင်းကပျောက်သွားသလဲ။ ကျနော်လည်း ဘာသာစကားအမြင်ကနေ ပြောနိုင်ပါသေးသည်။
Zaw Min Oo
