မြို့ရိုး ၊ မြို့တံခါးတွေမှာ ဖုတ်ပြိတ္တာဖြစ်ပြီး စောင့်ဖို့အတွက် လူ
အရှင်လတ်လတ်ကို မြေတွင်းတူးမြှုပ် ၊ အပေါ်ကတံခါးတိုင်စိုက်
ဆိုတာမျိုးတွေ လုပ်လေ့ရှိတယ် ဆိုတာကို အင်္ဂလိပ်လက်ထက်
ကျောက်စာဌာန၏ ကျောက်စာဝန် ဖြစ်တဲ့ချားလ်ဒူရွိုင်ဆယ်ရေး
တဲ့ မန္တလေးနန်းတော်လမ်းညွှန်ကြား စာအုပ်မှာ အတိအလင်း
အကျယ်တဝင့်ထည့်ရေးသွားတာ တွေ့ရပါတယ် ။ ၁၉၂၅မှာရေး
ဒီစာအုပ်ကိုပဲ၁၉၆၃ခုနှစ်တွင်ရှေးဟောင်းသုတေသနရုံးမှ၊အမေ
ရိကန်အဖွဲ့တစ်ဖွဲ့သည်“အာရှဖောင်ဒေးရှင်း”ဆီမှအထောက်အ
ပံ့ယူ၍ မူလခေါင်းစဉ် “ မန္တလေး နန်းတော် လမ်းညွှန်ကြား ” မှ
“လမ်းညွှန်”ကိုဖြုတ်၍ “ မန္တလေးနန်းတော် ”ဆိုတဲ့ အမည်သစ်
နှင့်ထပ်မံပုံနှိပ်ကာ မြန်မာပြည်အတွင်း တစ်အုပ်ကိုးကျပ်နှုန်းဖြင့်
ရောင်းချခဲ့ပါသည် ။ အင်္ဂလိပ်ဘာသာနှင့် ပုံနှိပ်ထုတ်ဝေတာ ဖြစ်
လို့ထိုစဉ်ကမြန်မာနိုင်ငံသို့ လာရောက်ကြတဲ့ နိုင်ငံခြားသား တိုင်း
ဝယ်ယူဖတ်ရှု လျှက်ရှိခဲ့ပါတယ် ။ ဆရာကြီးဒေါက်တာသန်းထွန်း
မှနယ်လှဲ့ရာဇဝင်ဆိုသော စာအုပ်တစ်အုပ်ထဲတွင် ဘာသာပြန်၍
ဤ အကြောင်းအရာ ကို ရေးသားသွားခဲ့ရာ အလျဉ်းသင့်၍ ပြန်
လည်ပြုပြင် တင်ပြလိုက်ရပါတယ် ။
မြန်မာနိုင်ငံတွင် အလွန်တရာ မနှစ်မြို့ဖွယ်ကောင်းသေအလေ့
တစ်ခုရှိပါသည် ။ မြို့တော်အသစ်တည်သောအခါ မြို့အဝင်တံ
ခါတစ်ခုစီ၏ အနီးတွင်လည်းကောင်း ၊ မြို့ရိုးထောင့်တစ်ခုစီ၏
အနီးတွင် လည်းကောင်း ကျွန်းတိုင်ကြီး တစ်တိုင်ကို - စိုက်ထူ
သောအခါ အမျိုးသားတစ်ဦး သို့မဟုတ် အမျိုးသမီးတစ်ဦး ကို
တိုင်အောက်တွင် ဖိသတ် လိုက်ရပါသည် ။ စင်စစ် အားဖြင့် မြို့
တော်ကို ရန်အပေါင်းမှ ကာကွယ်စိမ့်သောငှာ မြို့တည်ချိန် က
ပင်လူကိုသတ်၍ပူဇော်ခြင်းအမှုသည်ကား မြန်မာတစ်မျိုးတည်း
သာ ထူးထူးခြားခြား လုပ်လေ့ရှိသည် ဟု မဆိုသာပါချေ ။ ရှေး
အခါများက ဥရောပပါမကျန် ယင်းသို့ ပြုလုပ်တတ်သည် ဆိုရ
မည်ဖြစ်သည် ။ ဤသို့ ပြုမူခြင်းလည်း ဗုဒ္ဓ - တရားတော်၏ ဆို
ဆုံးမခြင်းနှင့် လွန်မင်းစွာ ဆန့်ကျင်နေသည်ဟု တစ်ဖက်၌ပြော
ဖွယ် ရှိသော်လည်း ဗုဒ္ဓသာသနာ မထွန်းကားမီက -မူလရှေးရိုး
ယုံကြည်ကိုးကွယ်မှု အလေ့ -အလာတို့နှင့်ကား ညီညွတ်လျက်
ရှိနေပါသည်ဟု အခြား -တစ်ဖက်၌ ပြောဆိုနိုင်သည့်ပြင် မိရိုးဖ
လာ နတ်ကိုးခြင်း -အမှုသည် အိန္ဒိယ ဇာတိဖြစ်သော ရှင်တော်
မြတ်၏ အဆုံး -အမ ကြောင့် လူသတ္တဝါတို့ နူးညံ့ -ပျော့ပြောင်း
သည် မှန်သော်လည်း မပြတ် -စွဲမြဲလျက်ပင် ရှိနေသေးကြောင်း
တွေ့ရပါသည် ။
အလားတူနိုင်ငံများ၌တွေ့ရသောနည်းမျိုးပင်မြန်မာနိုင်ငံ၌လည်း
ဗုဒ္ဓသာသနာကနတ်ကိုးခြင်းကိုလုံးဝပပျောက်တိမ်ကောအောင်မ
ချေမှုန်းနိုင်သဖြင့် အပြန်အလှန် အန္တရာယ်မပြုစတမ်း ဝန်ခံလျက်
ငြိမ်းချမ်းစွာအတူတကွပွားစည်းနေသည်ကိုပင်အံ့သြစွာတွေ့ရပါ
သည် ။ အခြားမောင်ဂိုအနွယ်ဝင်စသည်တို့နည်းတူမြန်မာတို့ ယုံ
ကြည်သည်မှာ အသတ်အဖြတ်ခံရခြင်းသော အသေဆိုးနဲ့သေသူ
တိုင်းသည်နတ်စိမ်းဖြစ်၍ သေရာအရပ်တွင်စွဲလမ်းကာမပြတ်ရှိနေ
တတ်လျက်အဆိုပါနတ်စိမ်းတို့သည် သူတို့စွဲလမ်းရာအရပ်ကို မည်
သူမျှထိပါးနှောက်ယှက် လာသည်ကိုသည်းမခံ ၊ နှောက်ယှက်ဝံ့သူ
ကိုသေလောက်အောင်အကြီးအကျယ်ဖမ်းစားတတ်သည်။ယင်းအ
ချက်ကြောင့်မြို့တော်ကိုစော်ကားမည့်ရန်သူပေါ်လာလျှင်တွန်းလှန် ဖြိုဖျက်ရန်လုံလောက်သောနည်းမျိုးစုံတွင်ဤနည်းလမ်းသည်လည်း
လက်ခံနိုင်ဖွယ် ရှိသည်ဟုစွဲမှတ်လျက် တံခါးဝနှင့်မြို့ထောင့်တို့တွင်
မြှပ်နှံခြင်း ပြုသည့် အလေ့စပေါ်ဟန်ရှိသည် ။ နောင်အခါ ခံမြို့တို့
သည်သာမက ကြီးကျယ်သောနန်းတော်ကဲ့သို့အဆောက်အအုံပြု
တိုင်းအခြေခံအုတ်မြစ်တွင်လူတစ်ဦး သို့မဟုတ်အများကိုပင်ထည့်
သွင်းမြှုပ်နှံလာကြမည်ဖြစ်ပါသည် ။
ယင်းသို့မြှုပ်နှံရန်အကောင်းဆုံး နေရာတို့ကား ရန်သူက အန္တရာယ်
ပြုမည်ဆိုလျှင် လွယ်ကူမည့် အဝင် - အထွက် တံခါးနေရာနှင့် မြို့
ထောင့်နေရာများ ဖြစ်ပါသည် ။ယဇ် ပူဇော်ခြင်းသဘော သက်ဝင်
သောအဆိုပါလူသတ်မှုမျိုးကိုကျူးလွန်ကြသည့် အခါ၌အထူးစက်
ဆုပ်ဖွယ်ရှိသာ အကြောင်းမှာ ကိုယ်ဝန်အရင့်အမာရှိသည့် အမျိုး
သမီးကိုအသုံးပြုရန်များစွာလိုလားခြင်းပင် ဖြစ်ပါသည် ။ ကိုယ်ဝန်
ရင့်လေ သဘောကျလေဖြစ်၏ ။ ခဲတစ်လုံးပစ်ရုံနှင့်ငှက်နှစ်ကောင်
ရသည်ဟူသောပမာစကားကိုတင်စား၍သုံးရလျှင်ကိုယ်ဝန်ဆောင်
တစ်ဦးမျှကို ပူဇော်မှုကြောင့် အများအကျိုးအတွက် ကာကွယ်ရေး
ဖို့နတ်စိမ်းနှစ်ပါးရသည် မဟုတ်တုံလောဟု ဆင်ခြင်ရန်ရှိပါသည်။
အဆိုပါထိတ်လန့်ဖွယ်ရှိသောပူဇော်ပွဲမျိုးကို ကြိုတင်စီမံထားလေ့
ရှိကြပါသည် ။ အိန္ဒိယအမျိုးသား သို့မဟုတ် များသောအားဖြင့် မ
ဏိပူရပုဏ္ဏားဖြစ်လေ့ရှိသောနန်းတွင်းအခါပေး ပညာရှိကဤအမှု
ကိုဆောင်ရွက်ရန်အကောင်းဆုံးနာရီကိုတွက်ချက်၍ပေးရပါသည်
မည်သို့သော ပုဂ္ဂိုလ်ကိုရလျှင် အသင့်ဆုံးဖြစ်နည်း ဟူ၍လည်း အ
ညွှန်းပေးရပါသည် ။ သို့သော်အညွှန်းအရ ရှာရန်ခက်ခဲလှသည် မ
ဟုတ်ပါ ။ အဘယ့်ကြောင့်ဆိုသော် လက်လုပ် လက်စား သာမာန်
အရပ်သားထဲမှ မည်သူနှင့်မဆို တိုက်ဆိုင်သည့် အချက် အလက်
တစ်ခုခုကိုညွှန်း၍ လူရှာခိုင်းခြင်း ဖြစ်ရကား မည်သူနှင့်မဆို တိုက်
ဆိုင်လောက်သည့် အချက်အလက် တစ်ခုခုကို ညွှန်း၍ လူရှာခိုင်း
ခြင်းဖြစ်ရကား မည်သူမဆို ဖြုန်းကနဲဆွဲငင်၍ သေမင်းနိုင်ငံသို့အ
ပို့ခံရနိုင်ဖွယ်ရှိပါသည် ။ ဘုရားသမိုင်း နတ်သမိုင်းတို့တွင်ဖတ်ရမြဲ
တွေ့ရမြဲဖြစ်သော အညွှန်းမှာ မည်သည့်နေ့ မည်သည့်အချိန်မည်
သည့်အရပ်မှ မည်သည့်အရာ ကိုင်၍ ရှေ့ရှုသွားနေသူ ယောကျာင်္း
သို့မဟုတ် ကိုယ်ဝန်ဆောင် မိန်းမကို ဖမ်း၍စတေးပါဟု ညွှန်ကြား
ကြောင်းတွေ့ရပါသည် ။
မြို့သစ်တည်ခြင်းနန်းသစ်ဆောက်ခြင်းစသောအမှုတို့၌ မြန်မာတို့
သည်ထုံးစံရှိသည့်အတိုင်း လိုက်နာရန် များစွာလိုလားကြောင်း အ
ထက်ကဖော်ပြခဲ့သည့် အတိုင်း မန္တလေးကိုတည်စဉ်အခါကလည်း
မြို့သစ်လုံခြုံရေးအတွက် ရှေးထုံးရှိသည့်အတိုင်းလိုက်နာကျင့်သုံး
မည်ဟုမုချမျှော်လင့်ထားနိုင်ပါသည် ။ ထို့ကြောင့်ဗုဒ္ဓဘာသာကိုအ
ထူးအလေးထားသည့် မင်းလက်ထက် ၊ ဆရာတော်ကြီးများနှင့်ဝန်
ကြီးမှူးကြီး ပညာရှိတို့က ဗုဒ္ဓအဆုံးအမနှင့်တိုက်ဆိုင်ပါလျှင်အထူး
ရှုံချဖွယ် ထိုအမှုမျိုးကို မလုပ်စေရပါဟု အပြင်းအထန် ငြင်းဆိုလင့်
ကစား ရှေးထုံးမပျက် အဆိုပါပုဂ္ဂိုလ်ကြီးများမသိလိုက်ဟုဆိုမှ မှန်
ချေမည် ။ အဘယ့်ကြောင့်ဆိုသော် ကုလားကော တရုတ်ပါ လိုက်
နာသည့်ဆိုးဝါးသော ယုံကြည်မှုဓလေ့ကို လုပ်ဆောင်ရန်နန်းတွင်း
အခါပေးပရောဟိတ်ဖြစ်သည့် မဏိပူရပုဏ္ဏားတို့ရှိပါသည် ။ လက်
ဖတင်နင်ဂျင်နရယ်ဖိုက်ခ်ျသည် ယခင်နှင့်ယခု မြန်မာနိုင်ငံ အမည်
ရှိသောစာအုပ်ကို ရေးသောအခါ မြို့တံခါး ဆယ့်နှစ်ရပ်မှာ လူတစ်
ဆယ့်နှစ်ယောက်ကိုဖမ်းပြီးကြိုးချည်လျက် ဖိသတ်သည်ဟုအသေ
အချာ ရေးသားပါတယ် ။
သို့သော် အရပ်စကားအများ မှတ်သားမိ သည်ကတော့ မန္တလေး
တည်စဉ်အခါကယဇ်ပူဇော်ခံရသူ အရေအတွက်ဟာထိုမျှမကများ
စွာပိုပါတယ် ။ အစုစု ကျား၊မကြီးငယ်ငါးဆယ့်နှစ်ယောက်ရှိသည်။
မြို့တံခါးတစ်ဆယ့်နှစ်ရပ်၌ တံခါးတစ်ပေါက်လျှင် လူသုံးယောက်
နှုန်း = ၃၆ယောက်။
မြို့ရိုးလေးထောင့်၌ တစ်ထောင့်လျှင်တစ်ယောက်နှုန်း = ၄
ယောက် ။
နန်းတော်သစ်တပ်ထောင့်လေးထောင့်၌တစ်ထောင့်တစ်ယောက်
နှုန်း = ၄ယောက်။
နန်းတော်အဝင်ပေါက်လေး၌တစ်ပေါက်တစ်ယောက်နှုန်း = ၄
ယောက် ။
သီဟာသနပလ္လင်အောက်၌ = ၄ယောက် ။
စုစုပေါင်း ၅၂ယောက် တို့ဖြစ်ပါတယ် ။
မြန်မာတိုင်းရင်းသားများ ရေးသားပြုစုတဲ့ ရာဇဝင်ကျမ်း တွေမှာ
ဤကြောက်မက်ဖွယ် ကောင်းသည့် ကိစ္စကိုထည့်သွင်းရေးသား
ကြမည်မဟုတ်ချေ ။ လူတွေနဲ့အတူ မြို့ထောင့်တွေမှာ ဆီထည့်
ထား စဉ့်အိုးကြီးတွေ ကို အထိအခိုက် မရှိရအောင် သတိကြီးစွာ
ထားလျက် မြှပ်နှံကြပါသေးတယ် ။ ဆီကိုမြှပ်ရတဲ့ အကြောင်းက
တော့ အစောင့်( နတ်စိမ်း ) သည် မပြတ်အမြဲ ဆက်လက်စောင့်
ရှောက်စေရန် သေချာအောင်စီရင်ခြင်းဖြစ်သည် ။ စောင့်ရှောက်
လျော့နည်းခြင်း ၊ သို့မဟုတ် လုံးဝစောင့်ရှောက်ခြင်းမပြု ဟုသေ
ချာလျှင် လူသစ်အစားထိုး ရန်လိုပါမည် ။ဆီမခန်းခြောက်သရွေ့
စောင့်ရှောက်ခြင်း မပြတ်ဟု ယုံကြည်လက်ခံထားပါသည် ။
အောက်ခြေမှတ်ချက်မှာဒီစကားတွေဟာ အများပြောဖြစ်လို့ဘယ်
လောက်အထိမှန်တယ်ဆိုတာ ပြောဖို့ခဲယဉ်းပါတယ် လို့တော့ရေး
သွားပါတယ် ။ လူစတေးတဲ့ အလေ့ဟာ တစ်ခါတုန်းကအင်မတန်
ပျံ့နှံ့ခဲ့တဲ့အလေ့တစ်ခုဖြစ်ပြီး ငါးရာ့ငါးဆယ်ဇာတ်တော်တွေထဲမှာ
တောင် ဒီအလေ့အကြောင်း ပါတာတွေ့ရပါတယ် ။ ထည့်သွင်းရ
တဲ့အကြောင်းကတော့ ၎င်းအလေ့ဟာ စက်ဆုတ်ရွံရှာဖွယ်အလေ့
အဖြစ် လူအများ ရှောင်ကျဉ်နိုင်အောင် ပညာပေးခြင်းသာ ဖြစ်ပါ
တယ် ။
အင်္ဂလိပ်လက်ထက် မြန်မာဘုရင့်ဝန်ထမ်းတွေကို “လူစတေး”သ
လားလို့မေးတဲ့အခါ ခါးခါးသီးသီးပင် မဟုတ်မှန်ကြောင်း ငြင်းဆို
လေ့ရှိကြပေမယ့် အရပ်ကတော့ မှတ်မိနေကြပါတယ် ။ ရာဇဝင်
စာအုပ်တွေထဲ ပါမြဲပါနေကြပါတယ် ။ မနုကျယ်ဓမ္မသတ်မှာတောင်
မြီခန်းမှာ မြို့စတေးခံရမည့်သူကို အကြွေးမတောင်းရလို့ ပါဝင်နေ
ခြင်းဟာ အဖြေဖြစ်နေပါတယ် ။ ဒီလိုစတေးတာဟာ ကာကွယ်ရေး
သဘော အများကြီး ပါလို့ အစဉ်အလာ လုပ်မြဲ ၊ ရှိမြဲ ၊ လုပ်လိုစိတ်
ကြောင့်သာ ထုံးစံ - ဓလေ့အတိုင်း လုပ်သည်လို့ သတ်မှတ် လို့ရပါ
တယ် ။ ထို့ပြင် မြို့ရိုး ၊ မြို့တံခါး၌ စတေးခြင်းခံရသူတို့က အမှန်တ
ကယ် အရာရောက်အောင် စောင့်ရှောက်နိုင်ပါ လိမ့်မည်ဟု ကိုးစား
စိတ် မည်မျှကြီးကျယ်သည် ကိုလည်း တွေ့နိုင် ပါတယ် ။ တကယ်
တော့ဖြင့်ဤမန္တလေးနန်းမြို့တော်တည်ဆောက်ပုံမှာတည်ဆောက်
ခဲ့တဲ့အချိန်ကာလအရ အမှန်တကယ် ရှိသင့်ရှိထိုက်သော ကာကွယ်
ရေးစံနှုန်း မပြည့်မီ ပါချေ ။ ဓါးလှံ လေးမြား မျှသာ ကိုင်စွဲလာသော
ရန်သူကိုသာ ကာကွယ်နိုင်သည့် အနေအထားဖြစ်နေသည် ။ အင်္ဂ
လိပ်တို့နှင့်နှစ်ကြိမ်တိုင်တိုင် စစ်ပွဲကြီးဆင်နွှဲပြီးပြီဖြစ်သော အင်္ဂလိပ်
တို့၏ အမြောက်လက်နက်များ၏ အရသာကို မြည်းစမ်း ကြည့်င်္ပြီးပြီ
ဖြစ်သော မြန်မာတို့၏ နန်းတော်မြို့ရိုးတည်ဆောက်ပုံသည် ရှေးရိုး
စွဲဟန်သာများလျက် အင်မတန်ခေတ်နောက်ကျနေသည်ပဲ မဟုတ်
ပါလား ။
မည်သို့ဆိုစေ ဤခိုင်မာသော စွတ်စွဲချက်များကို ချေဖျက်လိုပါက
မြို့ရိုးထောင့်တိုင်းကို တူးကြည့်၍ စုံစမ်းသင့်ပေသည် ။ မန္တလေး
ရွှေ နန်းတော်ကြီးကို တူးကြည့် သင့်သလို အမရပူရ ၊ အဝ ၊ ရွှေ
ဘို နန်းတော်ရာမြို့ရိုးများကိုလည်း တူးဖော်ကြည့်သင့်ပါသည် ။
စာကိုး ။ ။ နယ်လှဲ့ရာဇဝင် ဒေါက်တာသန်းထွန်း ။
သျှင်လေညင်း ။ ၂၃ ၊ ၁၁ ၊ ၂၀၁၃ ။
