တံလှပ်ဆိုတာ လေထုလှည့်စားမှုကြောင့် ပူပြင်းလှတဲ့ သဲကန္တာရ ဖြစ်စေ ဖြောင့်ဖြူး နေတဲ့လမ်းမကြီး ပေါ်မှာဖြစ်စေ ရေပြင်ကြီး ပေါ်ပေါက်နေသယောင် ထင်မြင်မိတဲ့ အမြင်မှား ( Optical Illusion ) ကိုဆိုလိုတာပဲ ဖြစ်တယ် ။
မြန်မာစာ မြန်မာစကားနှင့် မြန်မာ့စကားပုံများတွင် တံလှပ် ( mirage ) ကို ဥပမာလင်္ကာအဖြစ်အသုံးပြုတတ်တဲ့ အဓိပ္ပါယ်ကို ဖွင့်ကြည့်ရမယ်ဆိုလျှင် သဘာဝ ဝန်းကျင်၏ သက်ရောက်မှုကြောင့် သူ့အလိုလို ဖြစ်ပေါ်လာသည်ကိုအမှန်ဖြစ်သည်ဟု ယူဆပြီး မစုံစမ်း မစစ်ဆေးပဲ လက်ခံယုံကြည်သူများကို တံလှပ်နှင့် အနှိုင်း ပြုလေ့ရှိပါတယ် ။
“ တံလှပ်(တံလျှပ်)ကို ရေထင် ရွှေသမင် အလိုက်မှား ” ဆိုတဲ့ စကားလုံး အသုံးအနှုန်း ကို လေ့လာကြည့်ရင် သိနိုင်မှာပါ ။
တံလှပ်အသုံးကို မြန်မာ့သမိုင်း ရှာပုံတော်ဆိုတဲ့ စာအုပ်ထဲမှာ ဒေါက်တာသန်းထွန်း သုံးထားတာတွေ့ပါတယ် ။ ပါးစပ်ရာဇဝင် - ၄ ရှေးစကားတံလှပ်ဆိုပြီး ရှေးစကား တော်တော်များများဟာ တံလှပ်သဖွယ် ဖြစ်နေတယ်လို့ ရေးသား ဖော်ပြထားပါတယ် ။
အကျဉ်းချုပ်ကို ဖော်ပြရလျှင် “ ရှေးစကားကို ပြောတဲ့လူက သူ့မြင်ချင်တဲ့ အကွက်ကို သူ့စိတ်နှင့် မွမ်းမံပြီး တင်ပြလာတဲ့အခါ ခြုံငုံမိတဲ့ အမြင်လွဲသွားမယ် ။ လွဲတတ်တယ် ။ အမှတ်မထင် ( inadvertently )မှားသွားတာလဲ ဖြစ်မယ် ။ တမင်ညာပြော ( intentionally )တာလဲ ဖြစ်မယ် ။ စတင်ပြောတဲ့ တစ်ပါးစပ်က နှစ်ပါးစပ် ၊ သုံးပါးစပ်နဲ့ ခုထိဆို ဘယ်လောက်များ အပိုအကဲ ဝင်နေလဲ ပြောဖို့ခက်သွားပြီ ” လို့ဖော်ပြပါရှိပါတယ် ။
ရှေးစကားနှင့် နည်းတူပင် နှုတ်ပြော ၊ အစဉ်အဆက် ပြော ၊ ကောက်သင်းကောက် စကား အစရှိတဲ့ ပါးစပ်ရာဇဝင် ဆန်ဆန် မှတ်တမ်းများကို တံလှပ်ကဲ့သို့ သဘောထားပြီး ဇကာ အထပ်ထပ်နှင့် တိုက်ဆိုင် စစ်ဆေးပြီးမှ လက်ခံယုံကြည်ဖို့ကို တိုက်တွန်း ပြောကြားခဲ့တယ်လို့ ထင်မိပါတယ် ။
ရှေးစကား ရှေး မှတ်တမ်းတွေ၏ အမှားများကို စတင်သတိထားမိခဲ့သူက တော့ တွင်းသင်းမင်းကြီး ဖြစ်ပါတယ် ။ ကျောက်စာတွေ ရာဇ၀င်နဲ့ တိုက်ဆိုင်တော့ လွဲနေတာတွေ တွေ့ လာလို့  တွင်းသင်း ရာဇ၀င်သစ် ဆိုပြီး ရေးသားပြု စုခဲ့တာမျိုးကလည်း သမိုင်းမှတ်တမ်းများအတွက် မြင်သာထင်ရှားတဲ့ ဖြစ်ရပ်ပါ ။
အစဉ်အဆက်ပြောစကား နှုတ်ပြောစကား ကောက်သင်းကောက်စကား ရှေးစကား စသည်တို့ကို မည်မျှ အခိုင်အမာယူသင့်သနည်း ဆိုတော့ ဇကာနှင့်တိုက်သလို သေချာ စစ်ဆေးပြီးမှ လက်ခံယုံကြည်သင့်ကြောင်း တဖွဖွမှာကြားခဲ့သော ဆရာ့စကားမှာ အပိုမဟုတ်ပါ ။
လူတိုင်းလိုလို သိထားပြီး ဖြစ်သော မြင်သာထင်ရှားသော ဥပမာဖြင့် တင်ပြရလျှင်
မြန်မာ့သမိုင်းဦးစွန်း လက်နက်နိုင်ငံတော်ကြီးကို စနစ်တကျ ထူထောင်ခဲ့သော ပုဂံမင်းကြီး အနော်ရထာ /အနော်ရထာမင်းစော၏ အမ ည်နာမ တစ်လုံးကိုပင် ရှေးမြန်မာကြီးတို့ အမှန်အကန်ဆုံး လက်ဆင့်ကမ်းနိုင်ခဲ့သည်လော
အနော်ရထာဟူသော ပုဂံမင်းကြီး၏ အမည်နာမကို သမိုင်းပညာရှင်တို့က အနိရုဒ္ဓ ဟု သုံးနှုန်းကြသည် ။ အနိရုဒ္ဓ အမည်ကို သက္ကတဘာသာဖြင့် ခပ်နှိပ် ပါရှိသော မြေပုံဘုရားများကို မြန်မာနိုင်ငံ အထက်ပိုင်း အညာ ဧရာဝတီ မြစ်ဆုံမှ အကြေတွင် တွံတေးအထိ နေရာအနှံ့အပြားတွင် တွေ့ရ၍ ဖြစ်သည် ။ ထိုမြေပုံဘုရားများတွင် ရေးထိုးပါရှိခဲ့သော “ နိဗ္ဗာန်ကိုလိုသဖြင့် အနိရုဒ္ဓကိုယ်တော်တိုင် လက်တော်ဖြင့် စီမံပြုလုပ်သော ဘုရားများ ဖြစ်သည် ” ဟူသော အဓိပ္ပါယ်ကြောင့် ထိုမင်းကို အနိရုဒ္ဓဟုသာ သတ်မှတ်၏ ။
၁၆ရာစုတွင် ရှင်မဟာ သီလဝံသ၏ ရာဇဝင်ကျော် ၊ ၁၇ရာစုတွင် မြောက်နန်းဆရာတော်၏ ရာဇာဝင်ချုပ် နှင့် အမည်မသိစာဆို၏ ဇာတာတော်ပုံ ရာဇဝင် ၊ ၁၈ရာစုတွင် ဦးကုလား ပြုစုခဲ့သော ရာဇဝင်ချုပ် ရာဇဝင်လတ် ရာဇဝင်ကြီး ၊ ၁၉ရာစု တွင် ဘကြီးတော်ဘုရား၏ သမိုင်းကော်မရှင်က ပြုစုခဲ့သော မှန်နန်းရာဇဝင်တော်ကြီး ၊ ညောင်ကန်ဆရာတော်၏ သီဟဠဒီပ မြန်မာရာဇဝင် အချုပ် နှင့် ရာဇဝင်ချုပ် လင်္ကာ ၊ မုံရွေးဆရာတော်၏ မုံရွေးရာဇဝင် အစရှိသော ရာဇဝင်စာအုပ်များနှင့် ၎င်းတို့၏ နောက်ဆက်တွင် မှတ်တမ်းများတွင် အနော်ရထာ /အနော်ရထာမင်းစောဟုသာ ဖော်ပြပါရှိသည် ။
ထို့အတူ ပုဂံခေတ် ပြင်ပကာလတွင် ရေးထိုးခဲ့သော နှောင်းခေတ် ကျောက်စာများ တွင်လည်း အနော်ရထာ အနော်ရထာမင်းစောဟု သုံးနှုန်းပါရှိ ခဲ့ရာ ကွဲပြားမှုကို မြင်သာထင်ရှားစွာ တွေ့မြင်နိုင်ပါသည် ။
ရာဇဝင်ဟူသရွေ့ စုစည်းရသမျှ ကျောက်စာ ပေစာ ပုရပိုက်စာ အုတ်ခွက်စာများကို လက်ဆင့်ကမ်း ကူယူထားရသည့် အမှန်တရား အရ ပညာရှင် လက်ခံသော အမည်နာမ အနိရုဒ္ဓနှင့် ရာဇဝင်လာ အနော်ရထာ အနော်ရထာ မင်းစော အမည်တို့မှာ သိသာထင်ရှားစွာ ကွဲပြားလွဲမှားနေကြောင်း သိနိုင်သည် ။
ထို့ကြောင့် ရှေးမြန်မာကြီးတို့မှာ သမိုင်းတစ်ခေတ်လျှင် တစ်ယောက်ဆိုသလောက် လျှမ်းလျှမ်းတောက် ထင်ရှားခဲ့သည်ဟု ၎င်းတို့ ညွှန်းဆိုခဲ့ကြသော မင်းတစ်ပါး၏ အမည်နာမကိုပင် မှန်ကန်စွာ လက်ဆင့်ကမ်းနိုင်ခဲ့သလော ချင့်ချိန်ကြည့်နိုင်သည် ။
တံလှပ်သဘော ဖြစ်ပေါ်နေသော ရေအိုင်အား အမှန်တကယ် ဟုတ်မဟုတ် သွားရောက် စုံစမ်းခြင်း မရှိပဲ အမြင်အတိုင်းသာ ရေအိုင်ဟုသာ မှတ်တမ်း ပြုခဲ့ကြသလော ။ မင်းဆက်လင်္ကာ မင်းဆက်သာချင်းများကို လက်ဆင့်ကမ်း ရွတ်ဆိုရာတွင် အသံထွက် လွဲမှားခဲ့သည်လော ။ သို့တည်းမဟုတ် မင်းဆက်ပြောင်းချိန် ခေတ်ပြောင်းချိန်ကြောင့် အနွယ်မတူသည့် နောင်တတ်သော မင်းဆက်၏ ဓလေ့နှင့် ကိုက်ညီစေရန် သတ်မှတ်စေမှုကြောင့်လော ။
နှစ်ပေါင်း ၂၀၀ကျော်ကာလအတွင်းက အရေးကြီး ပုဂ္ဂိုလ်တစ်ဦး၏ အမည်နာမကိုပင် တိကျစွာ မှတ်တမ်းမပြုနိုင်ခဲ့သည်မှာ ထင်ရှားနေပါသည် ။
ထို့ကြောင့် ရှေးစကားကို တံလှပ်ကဲ့သို့ သဘောမထားမိပဲ စနစ်တကျ မစစ်ဆေးသော အခါ တံလှပ်သည် ရေအိုင်ဖြစ်ရ၍ ထပ်မံကူးယူသူတို့မှာလည်း ရေအိုင်ဟုသာ ယုံကြည် လက်ခံ နေကြသည်လားဟု တွေးမိရင်း ။
